تامر حسني يقود حملة لصالح مرضى ضمور العضلات

 متابعة \نور خليل

قاد الفنان تامر حسني، حملة لجمع تبرعات لصالح  مرضى ضمور العضلات في مصر، ودعاء متابعيه للمشاركة في هذه الحملة.

وخلال رسالته التي نشرها عبر موقع الصور انستغرام، طالب حسني متابعيه بالإنضمام لمبادرة لإنشاء تطبيق لجمع تبرعات من المصريين، لمساعدة المصابين بالمرضى، الذي يعاني منه الكثير، وأن يكون تحت رعاية الدولة المصرية. 

وعلّق تامر على الصورة التي نشرها والخاصة بأحد الأطفال المصابين بهذا المرض، وقال: “يا جماعة مرض ضمور العضلات منتشر بكثرة في عصرنا ده ربنا يعافي الجميع تخيلوا لو مليون واحد بس من عدد سكان بلدنا العظيمة لو دفع 30 جنيه بس هيساهم في إحياء طفلة في لحظة واحدة طفلة بتتعذب كل لحظة هي وأهلها“.  

وتابع “أمنية حياتي والله العظيم دلوقتي، يتعمل أبليكيشن تحت رعاية الدولة وتتسمى المليون أخ وتبقى على تليفونات الناس اللي هتتبرع، مليون واحد هتجيلهم رسالة حسب خطورة المرض، ونوعه وتكلفته العامة والمطلوب منه”.

وأكمل تصوره للفكرة:  “في سيستم يقدر يدخل بنفسه يشوف اسمه وتبرعه راح فين، وإن المريض اتعالج خلاص وتجيله رسالة شكرًا صدقتك أحيت نفس بل أسرة كاملة، أنا كفنان جاهز لأي جهة هتتبنى الفكرة دي، إني أكون داعم ليها ومعلن عنها لو الجهة محتاجة ليا شخصيًا أو لصوتي إن شاء الله أنزل، ألم التبرعات بنفسي وأخبط على بيت بيت وده لوجه الله ولخدمة شعبنا وأهالينا المحتاجين“. 

وفي وقت سابق حذر تامر من التعامل مع أي مكتب يتعامل مع الجمهور باسمه، وكتب تامر حسني، عبر حسابه الرسمي على موقع الصور الشهير انستغرام: “بالنسبة للمواهب اللي طلبتها محدش يروح يعمل أي مقابلات في أي مكتب بإسمي، أنا طلبت فيديوهات فقط والفيديوهات بتجيلي كل يوم، محدش يروح أي مشوار لأي مكتب تحت اسمي لأن اللي هيتم اختيارهم للمقابلة هتكلمهم مخرجة الفيلم أستاذة سارة وفيق بشكل مباشر“.

وتابع تامر حسني رسالته التحذيرية للجمهور قائلاً: “أي مكتب عايز يرشح حد بيبعتلي فيديو بيعرض موهبته، يعني محدش يصدق أي حد يقوله تعالى عشان هتقابل تامر أو المخرجة تاني.. الأستاذة سارة هتكلم اللي اختارتهم بنفسها عشان يحضروا المقابلة الأولى“.

اظهر المزيد

مقالات ذات صلة

زر الذهاب إلى الأعلى

أنت تستخدم إضافة Adblock

برجاء دعمنا عن طريق تعطيل إضافة Adblock