” نصيحة جدة”
بقلم / ولاء على
قالت جدتى يابني اتعلم لما تضحك أضحك من قلبك ولما تحزن يكون حزنك هين ولما تغضب تغضب برحمة ولما تزعل يكون
فى زعلك لين الدنيا هينه فهونها على قلبك متصعبهاش وخد الأمور براااااحة هتلاقى كل عسير فيها يسير مادمت بذكر الله
مطمئن ألا بذكره سبحانه تطمئن القلوب وحب نفسك ماهو الحب موش عيب ولا حرام… يابنى دي قمة السعادة لما ترضى
عن نفسك ساعتها هترضى يابنى عن كل الل حواليك وهتعمل المستحيل عشان تدخلها الجنة ودى موش شطارة منك لا
دى برحمة ربك وتوفيقه. يا حبيبى الدنيا فانية مايتبكيش عليها إنما تبكى صح لو طلعت منها وانت جيبك مخروم وفاضي
ووقعت كل اللى حصدته فى نميمه وغيبه وكذب وذنوب غيرهم كتيير. يانور العين خلي بالك من نفسك وفى طاعة ربك كل
حاجه هتهون وفى نفس الوقت هتكون ما ربك وحده معه مفاتيح الخزاين كلها ب”كن فيكون” فأدعى له وخلى قلبك بالإيمان
عمران علشان القلب من غيره خربان .. وحياتك يابنى ماحدش هيعيشها غيرك فخلى قلبك سعيد برضا الرحمن وأوعاك
يابنى.. أوعاك تتعدى الحدود فربك “لايخلف الميعاد ” وأتعلم يابنى أن الثقه والاحترام والتقدير أساس أى علاقه قوية زي
ماقلبك بيقوى بالايمان العلاقات بتقوى بالثقه والاحترام غير كده ف الافضل تنهى بقاياها. ظروفك يا ابااه ليك لوحدك محدش له
علاقة بيها غيرك فمتشيلش همك لحد وما تقول يابنى همى كتيير بس قول ياهم ليا رب كبير إسمه الكريم موش هيسيبك
لوحدك فربك سبحانه هو الوحيد المتفضل بالتكليف والمتفضل برأفته سبحانه بالماعونه. هونها يابنى على قلبك وأدعى ربك
يهونها عليك وأسعى بصدق تنال المطلوب. وصدقت جدتى حين قالت ذاك، فكل عسير يأتى معه اليسير، ولا حزن على الدنيا
وما فيها فكل يأتى على موعده دون أن يخلفه.
#وسلام_لقلوبكم
