الجزء الرابع من نصيحة جدة
بقلم / ولاء على
بنتى الغالية وحبيبة قلبى أحلى حفيدة وأجمل مارأت عينى لعلك بخير ياغالية؟! ليه الزعل مالى عيونك ومغطى وجهك ؟! لأ
لأ لأ دى دمعتك عندى غالية أوى أحكي لي من غير عياط لعلى أقدر أساعدك وأشوف منك ضحكه تساوي الدنيا عندى….
وبدأت ست البنات تحكى وتقولها على الل مزعلها وجدتنا الجميلة بتسمع وفجأة ضحكت الجدة بطريقة فيها حنية وكانت
ضحكتها بطبطب رغم اننا شايفينها موش فى وقتهاخااالص وسمعناها وهى بتقول “ بصي يا ست البنات مافي شىء أسمه
القطار فات ولا طيارة السنين هبطت فى مكان غير مكانها وموش طالعه ثانى لكل شىء نصيب ياقلبى وكمان لكل أجل كتاب
وما تعرفى ربنا شايل ليكى أيه بكره ؟؟؟ ولاحتى ممكن تكونى فين؟؟؟ نصيبك هيجيلك لحد عندك و يدق عليكي الباب فى وقته الل كاتبه ربك؛ فبلاش ياقلب ستك تستعجلي أصبري يا ضنايا عشان بعد الصبر جبر بأذن ربك . عارفه تزعلى أمتى
وتعيطي؟!!! لما قطار العمر نفسه يأخذك لمكان بعيييد أوى وتلاقى نفسك ما حققتى شىء .. تزعلى لما عمرك يعدي قصاد
عينك وماتستمتعي بكل ما فيه.. لما تعيشي حياتك مستنيه حاجه فى علم الغيب مكتوبه وتوجعى قلبك على الفاضى
وتضيعى علشانها أجمل أوقات حياتك .. لما ماتنجحي وتحققي حلمك .. لما عمرك يفوت وأنتى جيبك مخروم وموقعه منه كل
حسناتك الل جمعتيهم علشان ذنب عملتيه وما قصدتيه.. يا حياة القلب وفرحته ربنا خلقك لهدف ووضعك فى مكان بتاعك
أنتى وعلى قدر طاقتك ووسعك وما فى حد هيستحمله غيرك؛ فأسعى وعافرى عشان توصلي له وتحققيه، وأصبرى
وأوعاكى تستهونى بقلبك وتعطيه لمن لم يستحق طيبته وحنيته دا قلبك غالى أوى أوعاكى تفرطي فيه، وأوعى ياقلب ستك
تقبلى بأى شخص والسلام ماهو موش كل اللي هيجي لك هيناسبك ويناسب قلبك ولا كل اللي هتتمنيه يبقى ليكى نصيب
فيه ربنا هيقدر لك النص التانى منك الل هتلاقى فيه كل حاجه بتطلبيها من ربنا أنها تكون فى شريك حياتك. ياغالية دمعتك
دي ثمنها غالى أوى أوعاكى تنزل أعتراض على أمر ربك او حتى علشان حد ما يستحقك وسيبك من كلام الناس علشان
لسانهم ياغالية ما بيسكت حتى لو فى احسن أحوالك وخلى قلبك مليان باليقين والإيمان إن” ما لم يكن لك ماكان ليصيبك
وما كان لك لم يكن ليخطئك” .. وأصبرى علشان الصبر مفتاح كل فرج وبعده بيكون خير جبر وعوض . قومى يا قلب ستك
أغسلي وجهك وخلينى أشوف ضحكتك .
