نصيحة جدة الجزء الثانى
بقلم / ولاء على
ياحبيب القلب يا أعز من ولدى عامل الناس يابنى زى ما بتحب يعاملوك ما هى الحياة يابنى صعبه على الدنيا كلها
فمتصعبهاش زيادة على حواليك بمعاملتك لهم، خليك سهل ولين حنيتك يابنى موش عيب ولا تقلل منك فى شىء..حياتنا
ياغالى شركة مابينا يانجحت علاقاتها يافشلت والنتيجة بتحددها معاملتك، ودنيتنا يا حبيبى صغيرة أوى بدور تدور وتلف بينا
تانى ونرجع نحصد الل غرسنا فى الاخر زرع؛ ياالزرعة طلعت صالحة ونفعت، أو باظت مننا وساعتها موش هينفع تتصلح تانى
ونعيش بضررها طول العمر الل باقى ،ف خالى فى بالك ياحبيبى دايما أن الدنيا دوارة الل عملته النهاردة هيترد لك بكرة
أضعافه. وخليك دايما صاحب دين عارف بربك سبحانه أعمل بكل الل تعلمته فى دينك، وأقم حدود الله مادمت تعرفها علشان
علمك يا حبيبي هتسأل عليه وانت واقف بين ايده سبحانه فى خلي فى بالك دائما لحظة الوقوف دية . وكن حسن الخلق
أسوة برسولك_صل الله عليه وسلم_ ف ربك بجلاله وعزه سبحانه شهد لنبيه بحسن خلقه فى كتابه الكريم ” وَإِنَّكَ لَعَلى
خُلُقٍ عَظِيمٍ ” من سورة القلم- آية (4) أخلاقك يابنى هتتحاسب عليها فى الدنيا قبل الآخرة واعرف يا حبيبى “أن المسلم هو
من سلم المسلمون من لسانه ويده”فسلم الناس منك يا ضناياه تسلم من كل شر واعرف كمان أن أكثر نبتة تكبر بسرعه
طول ما انت بترويها ومهتم بيها هى أخلاقك الحسنة هتفضل تكبر وتكبر لدرجة انك ممكن تكون وقتها أقرب مجلسا من رسول
الله”إن من أحبكم إليَّ وأقربكم مني مجلسا يوم القيامة أحاسنكم أخلاقا . رواه الترمذي . فيا بخت الل يحبه ربه ويحبب فيه
رسوله، ف خلي رسولك صل الله عليه وسلم قدوتك فى حياتك واتبع سنته ومنهاجه هترتاح يا غالى. وأخيرا روح يابنى ربنا
يحسن خلقك ويجعل سعدك من لسانك ويجعلك سهل ولين ويحبب فيك خلقه ماهو الل يحبه ربه يحبب فيه خلقه. والسلام
ختام يا ضناياه. …هكذا تدعى لي جدتى فى كل مرة أراها بها بارك الله لى فيها وحفظها من كل مكروه.
