قلبى و عقلى
بقلم/ عبدالفتاح حسين والى
قلبى وعقلى ….
جوا منى جيران
أفكارهم…مشوفتش زيها
العقل سأل حيران
أكرهها وألا أفضل أحبها
رد القلب عليه غضبان
ياعقل …لسه بتحبها
ياعقل ياخيبان
إرميها حالاً …
صدقنى ح تفوق بعدها
إوعى ياعقل ترفع علىّ
راية العصيان
ح تدوق المرار…على يدها
فكر بلاش توهان
أنا قولتلها ملعونه…ايوه صارحتها
قولها إنت كمان
فجّرها فى وشها
إحنا خوات من زمان
ما نابنا إلا الحزن من حبها
إنت حزين هيمان
وأنا نبضى أصبح عليل…منها
فى البعد عنها الأمان
يالا نبعد سوا عنها
تعبت منك ياعقل
لسه لحبها سهران
كل همها تذلك…ولسه بتحبها
رد العقل بكل إتزان
أنا معاك ياصاحبى…
خلاص زيك كرهتها
بصراحه…كان فيه امل…
شايله فى الكتمان
لكن الأمل مات…
جوا سواد قلبها
قلت أخويا القلب…
أبقالى…على مر الزمان
