احمي طفلك من التحرش…. تربية سليمة اليوم… تحافظ عليه غدا 

احمي طفلك من التحرش….. تربية سليمة اليوم …تحافظ عليه غدا 

تحرير / فاطمة مصطفي

 الأستاذة / دعاء كرسون 

“اقعد وانا أديك حاجة حلوة”

“اسمع الكلام وهتاخد الجايزة”

“اعمل اللي بقولك عليه وهجبلك الطقم اللي نفسك فيه”

جمل بسيطة بنقولها يوميا … بس خطيرة جدًا على سلوك أطفالنا .

لأننا من غير ما نحس، إحنا بنعلم ولادنا يفاصلوا معانا وبنوصل ليهم اكبر خطأ 

 وهي إن الطاعة مرتبطة بمقابل، وإن الحب أو الاحترام لازم يقابله شيء 

ومع الوقت، الطفل بيتحول لـ مساوِم محترف:

مش هيسمع الكلام غير لما ياخد حاجة.

وممكن يبتزك عاطفيًا أو ماديًا.

والأسوأ؟ يتعود يرضي الناس عشان ياخد منهم اللي هو عايزه… حتى لو ده ضد مصلحته.

المصيبة الأكبر؟

نفس المبدأ بيستغله المتحرِّش!

“لو عملت كده، هخليك تبص في الموبايل… هديك لعبة… مش هقول لماما…”

ربط السلوك بالمكافأة المادية دايما مش تربية… ده تدريب على المساومة وضعف شخصية الطفل او تسلطه على غيره لاحقا .

الله يقويكم على حسن تربيتهم، التربية وعي وانا جنبكم هنا عشان أوعيكم واقولك خلي بالك واقولك خلي بالك ولو كنتي بتعملي كدا قبل كدا وقفي ، استعيني بالله ووقفي .

معا لدعم الامومة والطفولة