الهدايا مش بديل الحب …حبنا لأولادنا ليس له بديل

الهدايا مش بديل الحب… حبنا لأولادنا ليس له بديل

كتبت /فاطمة مصطفي 

اوعوا تكون الالعاب بديلة عن حضنكم وحبكم 

اوعوا حد يقنعكم هات لابنك او بنتك هدية تعوضها عن غيابك !  

الهدايا بتفرح وتبسط اي شخص فينا كبير او صغير ، و أوقات كتير الهدايا بتوصل للأطفال اننا بنحبهم ، لكن لو الهدايا اتحولت لبديل عن وقت بنقعد فيه مع ولادنا ، وعن التشجيع ، وعن كلمة بحبكً يا ابني ، بحبكً يا بنتي ، او ان الهدية نفسها بقينا نقدمها لولادنا بس وقت ما يعملوا حاجة كُويسه او يحققوا نجاح معين ، او يجيبوا درجات عاليه ! 

كدا الهدايا بقت بديلة عن الوقت والكلام والحضن ومع الوقت الهدية هتفقد قيمتها اصلا وفرحتها في قلبهم . 

لو فضلنا نشتري لولادنا هدايا كثيرة هيفقدوا قيمه الهدية وقيمه الحاجة الي بنشتريها ليهم مع الوقت ! ، مش طبيعي ان ولادنا تتحول غرفهم لمحل العاب ، الاطفال لما بتكون الالعاب قدامهم اكثر من الازم بيتشتتوا ومش بيهتموا بالعب اصلا . 

الهدية مش لازم تكون حاجة نشتريها بالفلوس خالص ، افضل الهدايا هي المصنوعة بحب زي ( حاجات يديوية / أكله حلوةً من ايديكم / خروج لمكان بيحبوه / سفر لمكان جديد / جواب صغير / نغير عادة سيئة عندنا عشانهم ) 

الهدية درس نعلم منه ولادنا العطاء والإحسان فاحسنوا اختيار الهدايا لولادكم لعلها تكون ذكري جوا قلوبهم تدوم وتفضل طول العمر ❤️

تهادوا تحابوا ، 

والحب اساس التربية والتعليم والثقة وكل حاجة والله لولادنا ❤️

والنتيجة طفل حاسس بالحب = طفل متزن نفسيًا 

= طفل لا يعاند 

= طفل وواثق في نفسه 

= طفل عنده تركيز في الدراسة 

مهم نحدد اطفالنا لغةٍ الحب عندهم ايه ؟ 

عشان نتواصل معاهم افضل 

بحبكم الله يقويكم على حسن تربية اطفالكم

#دعاء كرسون. #جريدة مصر المحروسة 

 معا لدعم الامومة والطفولة