10 تسريحات شعر صيفية مثالية لايام الصيف الحر
جريدة مصر المحروسة
10 تسريحات شعر صيفية مثالية لايام الصيف الحر
كتبت فاطمة مصطفي
في الصيف مع الحرارة والرطوبة بتخلي اننا مستحيل نسيب شعرنا سايب طول الوقت ، وبتبقى افضل طريقة مناسبة لحرارة الصيف هي رفع الشعر ، والنهاردة هنشارك معاكم 10 تسريحات شعر صيفية مثالية لايام الصيف الحر.
1- تسريحة ديل الحصان High ponytail:
تسريحة ديل الحصان من اسهل التسريحات المناسبة للصيف ، ومناسبة سواء للشعر الكيرلي او المفرود ، وعشان تثبتيه ممكن ترشي سبراي مثبت للشعر على ايدك وتمسحي بيه على شعرك عشان تتفادي انه يبقى في كمية كبيرة من السبراي على الشعر وتنشفه.
2- ديل حصان منخفض Low ponytail:
كمان من اسهل التسريحات اللي ممكن تعمليها في الصيف ، تسريحة سهلة وبسيطة وانيقة في نفس الوقت ، وعشان تضيفي لها اناقة اكتر ، جربي تربطي سكارف حوالين ربطة شعرك ، وممكن كمان تسحبي خصلات شعر بسيطة حوالين الوش.
3- تسريحة Half up Half down:
التسريحة دي قدامك فيها اختيارات كتير ، منها انك ممكن تخلي الجزء العلوي من الشعر على شكل ديل حصان, او تعمليه كحكة, او تضفريه.
4- تسريحة ضفيرة ديل السمكة Fishtail braids:
تسريحة شعر ضفيرة ديل السمكة كمان من التسريحات البسيطة المناسبة للصيف.
5- تسريحة Boxing braids:
التسريحة دي بتحافظ على الشعر بعيد عن وشك ، وهي تسريحة مناسبة جدا للحفلات الصيفية, الملاهي المائية, او مدينة الملاهي ، لانها بتبقى محكومة ومثبتة الشعر كويس.
6- تسريحة Halfway boxing braids:
هي بالظبط زي الطريقة اللي فاتت ولكن الفرق انك بتضفري نص الشعر بس ، وبتسيبي الجزء السفلي من الشعر سايب.
7- ضفيرة جانبية Side braid:
ممكن تعملي ضفيرة جانبية عادي ، او تعملي ضفيرة ب Volume يكون حجمها اكبر من العادية ، في كل الاحوال هي من التسريحات المثالية لفصل الصيف.
8- كحكة عالية High bun:
تعتبر الكحكة العالية سواء الانيقة او الفوضوية والسايبة ، من التسريحات المثالية لفصل الصيف ، وممكن تضيفي لها اكسسوارات زي سكارف, ورد, اكسسوارات شعر.
9- كحكة منخفضة Low bun:
التسريحة دي من اسهل التسريحات اللي ممكن تعمليها في دقايق باستخدام دبابيس الشعر او ربطات الشعر او مزيج من الاتنين مع بعض.
10- ديل حصان مضفر Braided ponytail:
ديل الحصان المضفر طريقة مثالية جدا عشان تعملي ديل حصان عالي والشعر يبقى ملموم كويس وبعيد عن وشك ، كل اللي هتعمليه انك بعد ما تعملي ديل الحصان تضفريه ضفيرة عادى
