ياسمين عز لمتابعات برنامجها: استأذني جوزك قبل ما تروحي الحمام

 متابعة / نور خليل 

تواصل الإعلامية ياسمين عز توجيه مجموعة من النصائح لمتابعات برنامجها “كلام الناس” عبر قناة MBC مصر، حول طريقة التعامل مع الزوج.

وخلال حلقة اليوم من البرنامج، تحدثت ياسمين عز عن طريقة التصرف في حال كان الزوج في حالة عصبية، كما نصحت متابعات برنامجها بأسلوب معين لاستئذان الزوج قبل دخول الحمام. 

وقالت ياسمين عز: “لو إنت قاعدة جنب جوزك فرعونك ما تتنفسيش وهو بيتنفس عيب”. 

وأضافت: “هل معنى كلامي إنك تكتمي نفسك وتموتي، بعد الشر عليكي افهمي معنى الجملة، يعني لما يكون متعصب وصوت نفسه عالي من العصبية متتنفسيش إنت كما وتنفخي بصوت عالي معاه، ده هيزود شحنة السلبية والنكد وهتقوم خناقة”. 

وجاءت نصيحة ياسمين عز الأخرى كما يلي: “لو إنتو قاعدين مع بعض بتتسامروا وتتكلموا، مينفعش فجأة تقومي في نص كلامه وتمشي بدون استئذان تروحي الحمام، الحمام مش أهم منه يا مدام”. 

وتابعت: “ممكن تستنيه لما يخلص كلامه، ويقوم هو الأول وبعدين تقومي وراه، أو لو إنت مستعجلة تقولي بلطف من غير ما تقطعي كلامه حبيبي هروح أعمل حاجة، أو هروح أغسل إيدي عشان حاسة إنها محتاجة تتعطر شوية”.