نصيحة جدة الجزء الثالث
بقلم / ولاء على
سؤالك ده حلو أوى يا حبيبى بص ياأغلى الناس على قلبى أسمعنى وأفهم قولى قمة الحب فعلا انك تبقى عاوز اللى تحبه
ده فى الحلال والشرع وإنك تتمناه من ربنا فى حلاله وتتمنى أنك تعيش معه عمرك اللى فاضل تسعده وتلقى معه السعادة
وتحب أنك تشوفه على طول جنبك وبخير وتنام جنبه وانت مطمن به، أنك تتمنى الشخص ده من ربنا وتحفظ قلبك وتمسكه
عن الغلط دى قمة الإحترام لمشاعرك ومشاعره يا ضنايا وانت كده فعلا بتحب بجد وشايف أن اللى يستحقك ده هو اللى
هيصبر معك ويأيدك فى تفكيرك .. الل يستحقك بجد ياغالى هيفهمك ويقدر الل بتعمله علشان تبقى معه فى حلال ربك
وانت موش بتغضب ربنا فى أصغر الأشياء بل بالعكس ده الوقت الل هتقضيه معه بعد الحلال هيكون أمتع بكتير وليه طعمه
الحلو اللى موش هتستطعم به غير فى وقته أصبر يا قلب ستك فكل شىء فى وقته حلو واتمنى الحلال وأسعى له وربنا
هييسره لك . يابنى نصيبك هيصيبك ورزقك بيدور عليك ما تقلقش ياضنايا، بس فيه نوع من الرزق لازم يابنى تجرى وتدور عليه
وتسعى له علشان موش هيجيلك وانت قاعد فى مكانك يا حبيبى وأتقى ربنا فى حياتك وسعيك دى هى خير الزاد، وحط
في بالك ان رحلتك طويلة وطريقك كبيروانت محتاج لذاد فخليها ذادك يابنى. يا روح القلب انت تستاهل كل الخير يجتمع عندك
ويجيلك خير وسعادة الدارين بس انت صدق أنك تستاهل وحب نفسك ياحبيبى الحب الل يخلي قلبك يسعى للجنة . لا
ياضنايا .. الحب أنواع وحب النفس الل أقصده هو أنك تصون نفسك عن كل المكاره والذنوب على قد ماتقدر علشان تنال الجنة
ما أنت يا قلب ستك لو موش بتحب نفسك هتستنى مين يحبها لك ولا يا قلبى كنت هتسعى أنك توصل لمرادك أصلا؟!
فأعتدل يا حبيبى فى حبها وصدق أنك تستاهل تتحب بجد منك ومن كل الل حواليك، وحسن تفكيرك يابنى وخلي نظرتك
للامور مليانه خير وتفائل علشان أنت كل أمرك خير من عند ربك. وقول يارب يسر حالى وسهل أمرى وأصلح لى دينى ودنيتى
وأرزقنى بالل يسند معايا الحمل ويصب علي الحب صبا وأكفينى معه بحلالك عن حرامك وأغنينا بفضلك عمن سواك فمن
سواه يجيب الدعاء وربنا كريم أوى ياغالى هيستجيب؛فسبحانه القائل فى كتابه: “وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ
دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ” وصدق الحق سبحانه العظيم . من سورة البقرة- آية (186)
