الملك : “الصوت ده.. أنا عارفه.. ده صوت أفنان! هي فين؟”
حورية (ببرود وهي بتختفي في الضلمة): “أنا وفيت بوعدي ورميتك في حضن الماضي.. الباقي عليك.”
الملك (بيصرخ وجدران الكهف بتتهز): “ردي عليا! الصوت حواليا في كل حتة بس مش شايف غير ضلمة.. أفنان إنتى فين
ويفضل الملك يتخبط في ممرات الكهف الضيقة، والريح بتصفر لحد ما فجأة.. النور ضرب في عينه. مكان واسع، غرقان في جبال من الدهب والألماس إللي بيلمع بطريقة توجع العين. وفي النص، على كرسي منحوت من الزمرد، كانت قاعدة.. “أفنان”.
الملك وقف مكانه، كأنه إتسحر الجمال هو هو، بس فيه “قسوة” غريبة في ملامحها.
الملك (بهمس): “هو أنا بحلم؟ سنين وأنا برسم وشك في خيالي.. دلوقتي إنتي قدامي؟”
أفنان (بابتسامة باهتة وهي بتقرب): “كنت خايفة العمر يسرقنا والتراب يغطينا قبل ما نتقابل.. مين إللي دلك على مكاني يا عزيز؟”
الملك (بلهفة): “مش مهم مين.. المهم إني لقيتك. أنا من يوم ما ضعتي مني بقيت حد تاني، بقيت الملك القاسي إللي الكل بيترعب منه بس عشان أداري وجعي عليكي.”
أفنان (بحدة): “والقسوة دي هي إللي خلتك تتخلى عن ‘بنت الجارية’ زمان؟ فاكر لما أهلك طردوني وأنت وقفت تتفرج؟”
الملك: “دلوقتي أنا الملك! والكلمة كلمتي.. مفيش حد يقدر يفرقنا.”
أفنان (بضحكة إستهزاء): “حققت حلمك في السلطة بس خسرتني.. أنا عشت في المناجم وسط الحفر والتعب عشان أجمع الثروة دي وأبني مملكتي بعيد عن ظلمك.”
الملك (بعين مليانة شك ورجاء): “فيه سؤال بياكل قلبي من سنين.. لسه بتحبيني؟”
الملك (بفرحة مجنونة): “يبقى نتجوز دلوقتي! مش هسيبك تضيعي تاني.”
أفنان (بدم بارد): “ونسيت ‘فاطيمة’؟ نسيت إن عندك إبن منها؟”
الملك (بصدمة): “إنتي عرفتي منين؟”
أفنان: “أنا كنت خيالك إللي مش بيفارقك.. بعرف أخبارك من السنة للسنة وأنا مستنية اللحظة دي. لو عاوزني بجد، تطلق فاطيمة وتعلن قدام الجزيرة كلها إن ‘أفنان’ هي ملكة قلبك وعرشك.”
الملك (بخوف): “إنتي بتقولي إيه؟ دي بنت أكبر تاجر! لو عملت كده هفقد هيبتي، والناس هتقلب عليا.. ومنصبى هيضيع!”
خرج الملك وهو حاسس إن الأرض بتلف بيه، دور على “عامر” ملقاش ليه أثر، رجع القصر وجسمه بيترعش، لقى “فاطيمة” مستنياه بعيون زي الصقر.
فاطيمة: “جلالة الملك ماشي لوحده من غير حرس؟ كنت في مشوار مهم أوي كده؟”
الملك (بيحاول يتماسك): “كنت مخنوق.. ومحدش يتجرأ يلمسني، أنا أقوى واحد هنا.”
فاطيمة (في سرها): “غرورك ده هو إللي هيوصلك لنهايتك قريب
وفي مكان تاني.. بعيد في الجبال
عامر كان بيجري زي المجنون بيدور على حورية إللي إختفت كأنها دخان، رجع للملك وهو وشه أصفر: “يا جلالة الملك.. البنت دي فص ملح وداب، كأنها جنية مش بشر!”
الملك (بغل): “لو ملقتهاش وقت لتها، روحك هي الثمن.. البنت دى لسانها لازم
يتق طع!”
حورية كانت واقفة قدام أفنان، دموعها نازلة بحرقة وصوتها بيترعش أنا عملت كل إللى طلبتيه منى بالحرف وخليت الملك ييجى لحد عندك بنفسه: “ليه مقلتيلهوش إني بنته؟ ده كان هيدي أمر للحارس يقتلني وهو مش عارف إن أنا بنته “
أفنان (بصوت فحيح الأفاعي): “لو عرف دلوقتي اللعبة هتبوظ.. أنا إللي بخطط هنا، وإنتي مجرد ‘كارت’ في إيدي.”
حورية (بصراخ): “إنتي بتستخدميني عشان تنتقمي؟ أنا عاوزة أعيش حياة طبيعية! هو بيحبك يا أمي.. ليه بتكرهيه وبتكرهيني في حياتي؟ أنا هروح أقوله كل االحقيقة!”
“طاااااخ”
قلم نزل على وش حورية وقعها الأرض.
أفنان (بعيون ميتة): “أبو الملك دمر حياتي زمان عشان كنت خدامة.. وعزيز سابني عشان التاج.
أنا هحر ق قلبه على كل حاجة بيحبها.. السلطة، وفاطيمة، وفي الآخر.. إنتي.”
وتحبس أفنان حورية في زنزانة جوه الكهف، وخرجت وسط الغابة تدور على “أعشاب الموت البطيء” عشان تخلص من فاطيمة وتجرجر الملك لنهايته.
وحورية.. فضلت محبوسة، بتعيط وبتخبط على الصخر، وتنده على حد يساعدها لحد ما تسمع صوت “خربشة” حيوان ضخم برا الكهف، أنفاسه كانت بتوصل لودنها وصوته كان بيقرب.. وبيقرب وتبص بخوف وتتفاجئ
