وجع البلوك
نور خليل
أقسى نهاية … بلوك! البلوك مش مجرد كبسة زر… ده طعنة فـ قلب إنسان حبك بصدق. مش فاهم إزاي اتنين كانوا بيحبوا
بعض وبيشاركوا تفاصيل يومهم، يقدروا في لحظة يعملوا لبعض بلوك! ليه؟! وعشان إيه؟! إزاي تقدر تجمد قلبك كده؟ إزاي
بسهولة دي تدوس على مشاعر كانت أغلى ما فيك؟ هو قلبك بيشتغل بزرار “حذف”؟ طب نسيته كده خلاص؟! محيت
وجوده كده؟! طب تقدر تعمل بلوك لقلبك؟ لذكرياتك؟ لضحكته اللي عايشة في ودنك؟ تقدر تعمل بلوك لفرحتك اللي مكنتش
تعرفها غير وهو جنبك؟ تقدر تمسح أول مرة قالك فيها “وحشتيني”؟ أول مرة قالك “خلي بالك من نفسك”؟ لو هتسيب… ابعد
بس متكسرش، متظلمش، متوجعش. لأن اللي بيحبك، وجعه منك بيكون أضعاف وجعه من الدنيا كلها. ارحموا قلوب حبتكم.
