#الفصل_الاول_لاتويا♥️⛰️
بقلم الروائية/ ماجدة السيد
القمر كان مكتمل، ونوره باهت كأنه خايف يلمس أرض القرية إللي غرقانة في صخب الإحتفال. حورية واقفة ورا شباكها الخشبي القديم، عينيها بتلمع بطمع مش بس حب في الإستطلاع. كانت ماسكة كروت “التاروت” في إيدها، وبترتبهم بعصبية وهي بتهمس: “الورق مش بيكذب يا ملك، النهاردة هخرج من الفقر ده، والتاج إللي على راسك هيكون مفتاح خزاينك ليا”.
نزلت حورية وسط الزحمة، لابسة لبس بدوي غريب، وشال بيغطي نص وشها مش باين منه غير عينيها البريئة إللي زي القطط. بدأت ترقص بإيقاع سريع ومرعب، وصوتها كان بيتردد في الساحة كأنه جاي من بئر غويط. الناس وسعت لها، والملك “عزيز” رفع إيده للحرس عشان يسكتوا الطبول ويقربوها منه.
حورية (بصوت فيه بحة سحرية): “أخيراً طلبت تشوفني يا جلالة الملك.. الورق قالي إنك هتناديني، والقدر مبيخلفش ميعاده.”
الملك (بعين صقر): “إنتي مين؟ القرية دي مفيهاش ملامح غريبة زيك، ولا صوت زى صوتك المميز
حورية: “أنا الظل إللي بيمشي وراك يا ملك، كنت دايماً جنبك بس عينك كانت مشغولة بالبحث عن ‘السر القديم’.”
الملك (بسخرية): “وصوتك ده.. ولبسك.. إنتي مطربة القصر الجديدة ولا جاية تعملى إستعراض علشان بس تخدى شرف إنك إتكلمتى مع الملك
حورية (بثقة مرعبة): “ولا ده ولا ده.. أنا حورية، قارئة التاروت، إللي بتعرف الأسرار وتقرأ الأفكار
الملك: “منجمة؟ يعني بتبيعي الوهم للغلابة؟”
حورية (وهي بتطلع كارت ‘الموت’ وبتحطه قدامه): “الغيب عند الله، بس كروتي بتقرأ “الأسرار” جرب تقرأ ورقك معايا مرة، ولو كلامي طلع كذب، رأسي فداك.
الملك (بحدة): “ولو طلع غلط، مش بس هسجنك، أنا هقطع لسانك ده عشان ميفكرش ينطق إسمي تاني.”
حورية: “موافقة.”
وتبدأت حورية تفرش ورق التاروت على طاولة خشبية قديمة، المكان فجأة برد، والشموع بدأت تتهز. سحبت أول كارت (كارت البرج المحطم).
حورية: “أنت ملك وحيد والقصر ده بالنسبة لك سجن. فقدت أهلك في ليلة مفيهاش قمر، النار أكلت كل حاجة وإنت كبرت بقلب محروق. بس الوجع الأكبر مش في التاج.. الوجع في “أفنان”.”
الملك وشه شحب، وإيده اللي ماسكة الكأس إترعشت.
حورية (بتسحب كارت ‘العشاق’ مقلوب): “أفنان.. الحب إللي ضاع في الضباب. هي مش بتحبك، هربت منك ومن قسوتك إنت إتخليت عنها علشان تبقى ملك ، وإنت بقالك سنين بتدور عليها زي المجنون، حتى بعد ما إتجوزت وخلفت، لسه ذكرياتها في بالك بتخنقك
الملك (بصوت مكتوم وعيون مليانة دموع وغضب): “إنتي أكيد ساحرة.. أو في حد من المقربين خاني ونقل لك أسرارى !”
حورية (بضحكة خفيفة): “أسرارك؟ أنت مخلتش حد يقرب منك أصلاً عشان يخونك. الورق بيقول إنك بتنام والخ نجر تحت مخدتك. أنا مش محتاجة حد يقولي، أنا محتاجة بس أشوف ‘الخوف’ إللي في عينك دلوقتي.”
الملك (بلهفة): “تقدري توصلينى ليها؟”
حورية (بعين طماعة): “أخليك تلمس إيدها كمان.. بس الثمن غالي. عاوزة أكون أغنى ست في الجزيرة، ذهب وجواهر
الملك: “لو وصلتينى لأفنان، ليكي عندي كل إللى بتحلمى بيه. بس لو غدرتي، مو تك هيكون الثمن.
وبعد يومين، حورية راحت للملك وقالت له: “أفنان مستنياك، بس لازم تيجي لوحدك، من غير حرس، من غير س لا ح الغابة مش بتقبل غير القلوب إللى مش ناويه على غدر
الملك وافق ، بس نده “عامر” حارسه الشخصي، وقال له ببرود:
“عامر.. هتمشي ورانا زي خيالنا. أول ما نوصل لمكان أفنان وأتأكد إنها هي،
ت ق تل حورية فوراً. مش عاوز لسانها ده يحكي لـ أفنان أي حاجة عن إللي عملته زمان. السر ده يندفن معاها.”
ويمشي الملك مع حورية في طرق ملتوية، الشجر كان بيتحرك كأنه وحوش والريح بتصفر في ودنهم. عامر كان مراقبهم من بعيد ببراعة، لحد ما وصلوا لفتحة كهف ريحتة “بخور
وفجأة خرج صوت غناء ناعم بس مرعب من جوه الكهف.. صوت “أفنان”. الملك جرى لجوه بلهفة، وعامر رفع خ نجره وهو بيقرب من ضهر حورية إللي كانت واقفة بتبتسم إبتسامة غامضة وهي بتبص لكارت (الشيطان) في إيدها.
داخل الكهف، مكنتش أفنان قاعدة.. كان فيه مراية كبيرة مكسورة، وصوت الغناء طالع من “جرامافون” قديم
حورية لفت لـ عامر وقالت له قبل ما يضربها: “كنت عارفه إنك جاي تخلص عليه وتضربه على رأسه بقوة وتهرب
يتبع الجزء الثاني.. الفصل الثاني
