صديق العمر

صديق للعمر
بقلم نيڤين ملاك

حوار بين ام وبنتها ذات الحادية عشر من عمرها
البنت : ماما هي مين اكتر صاحبة ليكي بتحبيها ؟
الام : انت طبعا يا حبيبتي .????????
البنت :  صاحبتك قبل ما اتولد يا ماما . ????????
الام : انت عارفاها يا قلبي طنط فلانة .
البنت : هو انتوا صحاب من امتي ؟!!!!
الام : من سنين كتير قوي تقريبا عرفنا بعض واحنا في سنك .
البنت : بجد وماتخانقتوش ولا مرة ؟????????
الام : ودي تيجي برضة يا حبيبتي ???????? طبعا في اختلافات لكن مع حرصنا احنا الاتنين علي التفاهم والاحترام حتي وقت الزعل .
البنت : أيه دا مفيش شتيمة????????؟؟؟!!!!
الام : ليه انا وصاحبتي كلامنا يكون في شتيمة والفاظ وحشة تزعلنا من بعض ومتحافظش علي المحبة بيننا .
البنت : بس انا معنديش صديقة .
الام : وانا رحت فين ????????????
البنت : اقصد صديقة غيرك يا حبيبتي انت صديقتي الصدوقة يا احلي ماما ????????????????
الام : إذا كان كده ماشي اكمل كلام ????????
بصي ياروحي متستعجليش هايجي يوم ويكون عندك صديقة حلوة شبهك
بس خلي بالك زميلتك مش شرط تكون صديقتك
زميلتك في مدرستك ، في درسك ، في النادي ، في اي مكان بتتعاملوا مع بعض حسب المطلوب تعملوه سوا واجب في المدرسة ، لعب في النادي
حوارتكم هاتلاقيها علي الشيء اللي جمعكم ببعض زي المدرسة مثلا
البنت : طب والصداقة بقي ياماما
الام : هاحكي لك كل حاجة وهانتكلم عن الصداقة يا صديقتي الجميلة
ضحكت البنت وباست امها …….
وللحديث بقية