شعر…(الطيبة طبع الحليم.موش عبيط)

(الطيبة طبع الحليم.موش عبيط)

بقلم. علاء بدوية… الإمارات 
..أوعاك تفكر إن الطيبه عبط أو
إن طبع الحليم عبيط
..وإياك تعوم على الكلام مع من
قالوها ومعاه تزيط
..أو كنت من هؤلاء إللى بيشوفوا
أنه عبيط عشان بسيط
..طبع الحليم من سمت فيه للي
بيفهم فهم عميق غويط
..فيه ناس تشوف الحكمه للحليم
والجهل فيهم منه يشيط
..الطيبه عمرها فى الطيبين طبع
بيكون صاحبها شخص حويط
..عشان كده راجع من مفهومك
ماتكون عليهم باللسان سليط
..والحكمه فينا موش محتاجه
لشهادة لو حتى فلاح فى غيط
..ياما ناس كتير ومعاها شهادات
لكنها ماتساوى فكر العبيط
…(بحاار غربة..الطيبه فهم الزكى لو حتى قالوا عليه عبيط..لو حتى كان لابس الخيش وعايش مع نفسه إنسان بسيط)