شعر.. سوق الحظوظ
سوق الحظوظ
شعر./هبة عبد الرحمن
نزلت سوق الحظوظ اشتري طوب من الفاخر
لحسن ده توبي داب ودق بيا على الاخر
وغلبت اوسع فيه لكن الوسط مش داخل
دخلت مول السعاده لقيت الحظ فيه زاخر
قلت اشتري كم توب ما تكونش مني ساخر
ما انا اصلي ياما اسيد والفرحه عني التاخر
والحزن عشته سنين وطريقي كان واعر
قال لي ما فيش غير توم غامق ومش زاهر
قلت اشتريته كثير وتعبت مش قادر
شوف لي لونين حلوين يجيبوا لي حظ وافر
قال اديني يومين هيجيني طوب من العاشر
فيه الهنا اثنين وثلاثه و12 غبت يا دوبي يومين لقيته مش ظاهر
اخذوا الحظوظ الاثنين الباهت والساحر
ورجعت تاني حزين بحظي للتاجر
قال لي ليه يا مسكين على الهم مش صابر
ده ربك ربي كريم يحب عبده الشاكر
والعمر هو يومين والرك على الاخر
اصبر تنول لمنى اسمعني خليك فاكر
ان الحياه ساعتين والفرح في الاخر
